Inthlanna atan hian nomination paper chu candidate emaw a proposer te’n Municipal Returning officer hnenah a pisa - Office of the Addl. Deputy Commissioner, DC's Office, Aizawl ah August 8, 2024 dar 3:00 PM thleng, dar  11:00 A.M. leh 3:00 P.M. chhungin (public holiday tih lovah) a thehluh theih a, nomination paper a lak theih tawh a ni.

Nomination paper hi  August ni 9, 2024 chawhnu dar 1:00 atanga dar 3:00 PM chhungin Office of the Addl. Deputy Commissioner, DC's Office, Aizawl ah endik a ni ang.

Candidate in hnukdawk duh chuan an in hnuhdawhna (notice of withdrawal) chu anmahni ngeiin emaw, an proposer emaw, an election agent te’n candidate in a authorise na lehkha ziak nen point no. 2 a tarlan hnenah 12.08.2024 chawhnu dar 1 PM rik hma in thehluh tur a nih thu tarlan a ni.

AMC Ward No. VI hi MNF Corporator John Zosangliana bial niin, kumin March ni 21 a a boral tak avangin a aiawh tur thlan a ni dawn a, ZPM chuan official candidate atan H. Zoremtluanga, Chanmari West an lo puang tawh a, Party dangte pawhin an candidate tur an ngaihtuah mek ni a thudawn a ni.

Ward No. VI hian veng pathum- Chanmari West, Edenthar leh Hunthar a huam mek.